Екипата на Мешков ја оствари целта, го освои третото место на табелата во СЕХА лигата, и последниот натпревар во регуларниот дел од сезоната за нив нема да има никакво значење.

Но, за Металург се уште има надеж дека може да го освои шестото место и да се пласира во Веспрем на завршниот турнир. Македонскиот првак ќе треба да направи подвиг, да го победи Мешков, но и да го чека резултатот од дуелот меѓу Борац и Нексе што се игра на 18 март во Бања Лука.

Металург играше само на првите две изданија на Ф4 турнирот во СЕХА што се одржаа во Загреб и Скопје, а лани не настапи во Нови Сад. За Мешков ова е трет настап на Ф4 турнирот.

Натпреварот во Скопје се игра во недела во 19 часот, а влезот е слободен.

Лино Червар, тренер на Металург

Во кратко време одигравме три меча, но, овој меч посебно ни значи затоа што се обидуваме да создадеме екипа низ натпревари и тренинзи. Мешков е сигурен патник на Ф4 турнирот, тие се противник на кој му се спротиставивме добро на првиот меч. Тие се апсолутни фаворити затоа што имаат 10-11 странци, првата седумка им се играчи од странство, освен десното крило Рутенка и овој меч сигурно за нас ќе биде голем предизвик повторно да се спротиставиме добро и да стекнеме искуство со кое ќе се подготвиме за наредните искушенија во македонската лига. Верувам дека тие нема да влезат невнимателно како на првиот меч. Но, и покрај сите проблеми, ќе дадеме сѐ од себе.

Никола Костески, играч на Металург

Знаеме каква екипа е Брест, игравме таму пред неколку меча и имавме шанса за победа, но ете, искуството одлучи. Сепак, се работи за една далеку поискусна екипа од нас, но уверен сум дека секој од нас ќе го даде максимумот и ќе се бори да забележиме позитивен резултат. Се надевам дека публиката ќе дојде и на овој натпревар и ќе ни ја даде поддршката

Жељко Бабиќ, тренер на Мешков

Ќе биде интересно повторно да се игра против младиот македонски тим. На последниот меч во Брест ни создадоа многу проблеми. Верувам дека и овој натпревар ќе биде интересен. Мојата екипа игра се подобро од натпревар во натпревар. Се надевам во Скопје ќе покажеме добар ракомет и ќе ја завршиме сезоната во добра форма и расположение.

Љубо Вукиќ,  играч на Мешков